Премьер Групп: "Бүх ажилчдын нэгдсэн хурал"онцлох

Үйл ажиллагааны ололт ба Борлуулалтын өсөлт

Хурлын эхэнд Үйл ажиллагаа хариуцсан захирал 2025 оны борлуулалтын нэгдсэн тайланг дэлгэрэнгүй танилцууллаа. Уг тайлангаас харахад үйл ажиллагааны хосгүй үр ашигтай байдал болон тансаг зэрэглэлийн худалдааны салбарт эзлэх байр сууриа бэхжүүлж чадсаны үр дүнд борлуулалтын үзүүлэлт 2024 онтой харьцуулахад мэдэгдэхүйц өссөн байна.

Цахим шилжилт

Борлуулалтын тайлангийн дараа Бизнес хөгжил хариуцсан захирал тайзан дээр гарч, компанийн цахим шилжилтийг танилцууллаа. 2026 оны стратегийн гол цөм нь энгийн бөгөөд хүртээмжтэй байдал юм. Тэрээр олон төрлийн нарийн төвөгтэй платформуудыг зэрэг удирдахаас татгалзаж, "Премьер Групп" нь нэгдсэн, оновчтой цахим тогтолцоонд анхаарлаа хандуулж байгааг мэдэгдлээ.

Бид хүч бололцоогоо илүү энгийн, ойлгомжтой нэгэн платформд төвлөрүүлснээр хэрэглэгчид манай брэндүүдтэй харилцах үйл явцыг илүү хялбар, илүү хурдан болгож байгаа юм. Энэхүү эргэлт нь технологи нь хамгийн түрүүнд хэрэглэгчдэд үйлчлэх ёстой гэсэн зарчмыг баталгаажуулж, элдэв төвөгтэй байдлыг арилган, ямар ч саадгүй худалдан авалтын аяллыг бий болгож байна.

Брэнд хөгжүүлэлт

Маркетингийн албаны дарга илтгэлийнхээ анхаарлыг брэндийн зүгээс хэрэглэгчидтэй тогтоох үзэгдэх орчин болон сэтгэл хөдлөлийн холбоо руу чиглүүлэв. Тэрээр 2025 оны маркетингийн тайланг дүгнэхдээ контент бүтээлтийн хувьд дээд амжилт тогтоосон жил байсныг онцолж, дижитал эрин үеийн шаардлагад нийцүүлэн компанийн "storytelling" буюу түүх өгүүлэх арга барил хэрхэн хувьсан өөрчлөгдсөнийг тэмдэглэсэн юм.

Хамт олны үнэ цэнэ

Мөн Хүний нөөцийн албаны дарга компанийн үндсэн гүн ухааныг бататган хэлсэн нь: "Агуу компани гэдэг бол ердөө л ажил олгогч болон ажилчид харилцан ойлголцож, эв нэгдэлтэйгээр хамтран ажилласны тусгал юм" хэмээн онцолсон юм.

Үүсгэн байгуулагчийн сэтгэгдэл

Хурлын төгсгөлд Гүйцэтгэх захирал бөгөөд Үүсгэн байгуулагч маань илтгэл уулзалтын хамгийн сэтгэл хөдөлгөсөн мөч байлаа. Тэрээр компанийнхаа даруухан эхлэлийг эргэн дурсаж, "Премьер Групп"-ийг ердөө л алсын хараа, шаргуу хөдөлмөр дээр тулгуурлан хэрхэн "тэг"-ээс эхлэн босгосон түүхээсээ хамт олонтойгоо хуваалцсан юм.

Компанийнхаа түүхийг эргэн харахдаа Гүйцэтгэх захирал нэгэн гайхалтай зүй тогтлыг онцолсон юм. Энэ нь бидний өсөлт хөгжил бүрийн шинэ хуудас давагдашгүй хүчин зүйл, бэрхшээл саадыг сөрөн зогсох үед бичигдэж ирсэн явдал байлаа.

Тэрээр: “Бидний туулсан энэ замналд хувь тавилангийн нэгэн сэжим байдаг гэдэгт би итгэдэг” хэмээн Гүйцэтгэх захирал хуваалцав. “Бидний хамгийн том ололт амжилтууд яг л хамгийн хүнд хэцүү цаг үед тохиох учиртай байсан мэт санагддаг. Дэлхийн эдийн засгийн өөрчлөлт эсвэл цар тахлын урьд өмнө байгаагүй сорилтуудын аль нь ч бай, бид зөвхөн тэсэж үлдэх бус, харин ч илүү том зорилго руу хөтлөгдөн урагшилсаар ирсэн. Бид эдгээр шуурга дундуур зүсэн гарах ёстой байсан учраас л өнөөдөр энд зогсож байна. Тэгээд ч бидний аялал дөнгөж эхэлж байна.” хэмээн хуваалцлаа.

Тэрээр илтгэлийнхээ төгсгөлд баг хамт олондоо хүндэтгэл үзүүлж, компанийг анхлан байгуулалцсан хуучин ажилчид маань компанийг хөл дээр нь бат зогсоох суурийг тавьж өгсөн бол, шинэ залуу ажилтнууд маань бидний ирээдүйн өсөлт хөгжлийн замыг тодорхойлж хамтдаа гэрэлт ирээдүй хөтлөх нэгдмэл хүч болцгооё хэмээн онцлон уриаллаа.