2026 ЗУНЫ НҮҮР БУДАЛТЫН ЧИГ ХАНДЛАГА: Өндөр мэдрэмж, Хялбар гүйцэтгэл

1. BEACH SKIN (Далайн эрэг дээрх арьс)

Нарны дулаан илч шингэсэн мэт төрх зуны улирлын гол трэнд хэвээр байх боловч 2026 онд энэ нь амьдралаас урам авсан урлаг болон хувирч байна. Бид нарны хэт ягаан туяаны хортой нөлөөгүйгээр, яг л далайн эрэг дээр өнжсөн мэт дулаан бор, ягаан туяатай, гэрэлтсэн арьсыг бүтээхийг зорьж байна. (Энэхүү төрхийг натурал байдлаар гаргах гэж өдөр тутмын нарны хамгаалалтын тосоо орхигдуулж болохгүй шүү!)

2. WATERCOLOR BRUSH (Усан будган хацар өнгөлөгч)

Хацар өнгөлөгч зүгээр нэг трэнд болоод өнгөрөх биш, харин энэ эрин үеийг тодорхойлж байна. Энэ хавар, зуны гол чиг хандлага бол усан будаг мэт ууссан, тунгалаг өнгө бөгөөд үүнд хацар өнгөлөгчийг хаана түрхэх нь хамгийн чухал. Түүнчлэн хацар өнгөлөгчийг зөвхөн хацрын алим хэсэгт түрхдэг үе ард хоцорч, контур шиг нүүрний хэлбэрийг тодотгох шинэ шийдэл болжээ. Нүүрэнд зөв бүтэц, гэрэлтсэн байдлыг бий болгохын тулд өнгийг шанаанаас чамархай руу чиглүүлэн уусгах хэрэгтэй.

3. GROWN-UP GLITTER (Томчуудад зориулсан гялтгануур)

Зуны шөнийн салют болон фестивалийн гэрлийг санагдуулам гялалзсан зовхины будаг, үлгэрийн мэт саанууд гол тайзнаа гарч ирлээ. Энэ нь урьдынх шиг том, бүдүүн ширхэгтэй гялтгануур биш юм. 2026 он бол диско гэрлийн доор, халуухан үдшийг чимэх нарийн ширхэгтэй, олон хэмжээст гялалзах сааг санал болгож байна.

4. Y2K ROCKSTAR GLAM (Y2K Рок-стар хэв маяг)

Сүүлийн хэдэн улиралд трэнд болоод буй хэт хичээгээгүй, бага зэрэг замбараагүй гранж (grunge) хэв маяг энэ зун ч байр сууриа алдахгүй. Орчин үеийн поп-панк одод болон загварын шоуны тайзнаас харагдах уусгалттай, гүн нүдний будалтуудаас сэдэвлэсэн энэхүү трэнд нь "төгс бус байдлын гоо үзэсгэлэн"-г харуулдаг. Нүдний хүрээг тод харандаагаар тодорхойлж, ирмэгийг нь хурууны өндөг эсвэл багсаар уусган, "дөнгөж сэрсэн" мэт хайхрамжгүй хэрнээ загварлаг харагдуулах нь гол техник юм.

5. POP OF BLUE

Зуны улиралд дулаан өнгөнүүд зонхилдог ч гэнэтийн цэнхэр өнгө нь халуун өдрүүдийг хоромхон зуурт сэрүүцүүлэх мэт мэдрэмж төрүүлнэ. Зовхио бүхэлд нь цэнхэр өнгөөр уусгах, сормуусаа будах эсвэл уруулдаа үл ялиг туяа оруулах зэргээр цэнхэр өнгийг ашиглах нь энэ улирлын хамгийн зоримог, шийдэмгий алхам байх болно.

Зун цагийн гоо үзэсгэлэнд бусад улиралд байдаггүй өвөрмөц, ид шидийн гэмээр уур амьсгал бий. Нүүр будалт яг л амьд, орчиндоо ууссан бөгөөд хэт хичээгээгүй хэрнээ өөрийн гэсэн өвөрмөц хэмнэлтэй байх бөгөөд өөрийн өвөрмөц төрхийг MAC Cosmetics-тэй хамт бүрдүүлээрэй.